Call for Participation/scn
Wikimanìa è na cunfirenza ntirnazziunali annuali didicata a li pruggetti Wikimedia (Wikipedia, Wikibooks, Wikisource, Wikinotizie, Wikizziunàriu, Wikiversità, Wikiquote, Wikispecies e Wikimedia Commons ntra l'àutri). La cunfirenza è na riunioni di la cummunitati ca duna a l'edituru e a l'utenti di li pruggetti Wikimedia la pussibilitati d'ancuntràrisi, scanciàrisi l'idèi, spànniri pruggetti di nvistigazzioni e cullabburari ntĉ futuru. Graputa a lu pùbblicu 'n ginirali, è n'uppurtunitati pi l'educaturi, nvistigaturi, prugrammaturi e a tutti chiddi ca sunnu appassiunati a la lìbbira canuscenza, ntirissati ntê pruggetti Wikimedia pi nzignàrisi e spànniri li so' idèi ntra tutti.
A st’annu la cunfirenza veni fatta di lu 26 a lu 28 austu ntô Centru Cultural General San Martín (talìa Wikipedia e situ ufficiali) di Buenos Aires, Argintina.
Siti mmitati a prisintari pruposti di prisintazzioni, labburaturi (“workshops”), pannelli, posters, discussioni e òpiri artìstichi lijati a li pruggetti Wikimedia o di lìbbiru cuntinutu 'n ginirali. Cui voli fari na pruposta hà iri appressu cu attinzioni a li lìnii guida discrivuti ccà di sècutu.
Pi chiossai nfurmazzioni, taliati pàggina ufficiali di Wikimanìa 2009 a http://wikimania2009.wikimedia.org.
Bannu di participazzioni
Dati mpurtanti
- Prisintazzioni di pruposti: di lu 1º di marzu
- Data lìmiti pi mannari pruposti di labburatori, pannelli e prisintazzioni: 15 aprili
- Data lìmiti pi mannari pruposti di posters, spazzî graputi a li discussioni e òpiri artìstichi: 30 aprili
- Nutificazzioni d’accittazzioni di labburatori, pannelli e prisintazzioni: 15 maju
- Nutificazzioni d’accittazzioni di posters, spazzî graputi pi la discussioni e òpiri artìstichi: 31 maju
- Cunfirenza: di lu 26 a lu 28 austu.
Timàtichi e tracks
Ponnu èssiri mannati prupostu pi dui tracks (sizzioni):
- Lu track nfurmali, pi li membri di li cumunitati Wikimedia e ussirvaturi ntirissati a cumparticipari li so' espirienzi e pinzera, e prisintari idèi novi.
- Lu track accadèmicu, pi travagghi di nvistigazzioni scintìfica supra aspetti suciali, técnichi o di cuntinuti di Wikipedia, li so' pruggetti vicini o àutri pruggetti di cullabburazzioni, accussí macari la criazzioni di cuntinutu lìbbiru e dinàmica cumunitària 'n ginirali.
Li pruposti pi qualunqui di chisti tracks s'hannu a nquatràrisi dintra a unu o cchiossai di nu bloccu timàticu:
- Comunitati Wikimedia: cumprenni l'argumenti di risuluzzioni di li cunflitti e dinàmica cumuni, riputazzioni e l'idennità, lu multilinguìsimu, li lingui e li culturi.
- Canuscenza lìbbira: cumprenni la lìbbira trasuta a li nfurmazzioni, furma d’uttèniri e spànniri la canuscenza lìbbira; usu di li pruggetti Wikimedia 'n aducazzioni, piriudìsimu e nvistigazzioni; furma di migghiurìa di la qualitati e putinziali di l'usu di li cuntinuti.
- Disfidi di l' Amèrica Latina: temi cintrati a inizziativi e limitazzioni pi spànniri lu campu di li pruggetti Wikimedia 'n América Latina; prumozzioni di pruggetti 'n lingua uriggìnali Latinu-miricana; prubbremi spicìfichi di li cumunitati Wikimedia di lingua spagnola e portughesa.
- Nfrastruttura tècnica: cumprenni l'aspetti lijati a la MediaWiki, lu so' sviluppu e li estinsioni; nfrastruttura tècnica di Wikimedia e idèi pi sviluppi novi.
Li pruposti e l'artìculi hannu a èssiri di ntiressi pi li membri di la cumunitati di Wikimedia e dintra a l'àrii timàtichi difiniti prima.
Tipi di pruposti
Vènunu accittati pruposti supra:
- Presintazzioni (discussioni di 10 a 30 minuti cu la so' sissioni di dumanni e rispunnuti a la fini)
- Stu tipu di pruposta è apprupriata pi prisintari li risurtati di nvisticazzioni o di pruggetti pi la cumunitati.
- Workshops (sissioni di 60 a 120 minuti cu nu mudiraturi e ntirventi di lu pùbbricu)
- Stu tipu di pruposta è apprupriata pi li sissioni ca hannu comu scopu chiddu di nzignari n'argumentu particulari o spluràrilu 'n dittagghiu).
- Pannelli (sissioni di 45 a 90 e di dui a cincu participanti pi discùtiri di temi ca cuinvòrgiunu lu pùbbricu)
- Stu tipu di pruposta è apprupriata pi li discussioni supra a n'argumentu di granni ntiressi pi la cumunitati cu la prisintazzioni di lu travagghiu d'assai participanti e ntirventi di lu pùbbricu. Pi discussioni menu furmali supra a temi particulari, po' èsseri apprupriatu nu dibbàttitu graputu.
- Dibbàttitu graputu (discussioni nfurmali supra a n'argumentu spicìficu, nu mudiraturi diriggi la riunioni, ma cuegghè fussi ntirissatu po' participari)
- Stu tipu di pruposta è apprupriata pi argumenti unni tanti participanti volìssiru discùtiri o jùnciri idèi (brainstorming) 'n manera nfurmali.
- Posters (cartelluni stampati ca nun hannu nicissitati d'aviri nu prisintaturi)
- Stu tipu di pruposta è apprupriata pi prisintari li risurtati di li pruggetti di ricerca ca ci su' ora o di pruggetti nichi.
- Ópiri artìstichi (raprisintazzioni visuali o àutri aspetti di li pruggetti)
- Stu tipu di pruposta è bona p'ammustrari la criativitati o òpiri d'arti supra li pruggetti.
C'è macari la pussibbilitati di “discussioni” a volu (lightning talks), custituitu di prisintazzioni di 5 minuti. Sti sissioni vènunu urganizzati ntô situ di Wikimanìa 2009 tanticchia prima c'accumìncia la cunfirenza, senza bisognu di prisintari pruposti prima. Sèrvunu pi chiddi ca vòlunu prisintari nu pruggettu o n'idìa, senza dari na prisintazzioni furmali. Sti culloqui nfurmali sunnu graputi a la participazzioni di cuegghè di l'assistenti.
Lìnii guida pi li pruposti
Wikimanìa è na cunfirenza urganizzata di li vuluntarî, pi chissu v'aringraziamu siddu ni sparagnati travagghiu superchiu jennu appressu a li lìnii guida pi la prisintazzioni di li vostri pruposti; iddi hannu a èssiri accussì:
- Tìtulu eventu: nu tìtulu 'n spagnolu o 'n nglisi
- Riassuntu: nica sìntisi 'n nglisi o spagnolu di la pruposta ntra li 50 e li 100 paroli. La sìntisi veni nclusa nti lu prugramma di la cunfirenza
- Timàtichi e sizzioni: s'hà nnicari la sizzioni unni si disìa mannari la pruposta (nfurmali o accadèmica) ca lu suggettu penza ca è cchiù adattu (cumunitati Wikimedia, canuscenza lìbbira, disfidi latinu-miricani, nfrastruttura tècnica). S'hà tèniri prisenti ca li posters e òpiri artìstichi hannu la so' pròpria sizzioni nti lu sistema di pruposti.
- Nfurmazzioni supra a lu prisintaturi: nomu cumpletu, nnirizzu di posta elittrònica e na biugrafìa nica.
- File cu la pruposta: nu file di testu, PDF o OpenDocument 'n nglisi o 'n spagnolu, ca cunteni :
- Na discrizzioni cumpleta di la pruposta, 'n nglisi o spagnolu, ca putissi èssiri utilizzatu pi valutari la pruposta e ca nun è chiossai di 1000 paroli. Prisintari nu riassuntu ginirali di li temi. Spicificari bonu la rilivanza di la pruposta 'n rilazzioni a li pruggetti Wikimedia e siddu la pruposta è pi nu pruggettu spicìficu. Si po' nclùdiri links, gràfichi e schemi ca nun sunnu chiossai di na pàggina.
- Tipu di eventu: nnicari siddu l'eventu prupostu è na prisintazzioni, siminàriu, gruppu, discussioni, poster o òpiri d'arti. Siddu si tratta di na prisintazzioni o di nu gruppu, nnicari quantu tempu ci voli p'idda.
- Pruposta di sulu pannelli : nnicari cui è lu mudiraturi e prisintazzioni nichi di ognidunu di li pannilista.
- Idioma: nnicari 'n quali lingua si fa' la prisintazzioni. La cunfurenza avveni bilingui 'n nglisi e spagnolu.
- Riquisiti spiciali: nnicari quarsiasi riquisitu spiciali c'havi, ncludendu quarsiasi tipu di equipaggiamentu nicissàriu.
Ntâ sizzioni "cummenti pô diritturu di la cunfurenza" s'hà diri siddu s'assisti a Wikimanía: (a) pi sicuru, (b) cu prubabbilitati, (c) sulu siddu la so' pruposta veni accittata, o (d) sulu siddu pinzamu a lu trasportu o allòggiu. Poi macari scrivìriti a la lista pùbbrica di assistenti a Wikimanía 2009 a: http://wikimania2009.wikimedia.org/wiki/Attendees/es.
S'hà stari accura ca tutti li pruposti hannu a èssiri auturizzati di la licenza GNU Free Documentation License (GDFL) virsioni 1.2 o di doppu e la licenza Creative Commons Reconocimiento-Compartir sutta a la stissa licenza 3.0. Vui accittati sta cunnizzioni mannannu prupostu pi Wikimanía2009.
Pruposti
Na vota ca s'havi tutta la nfurmazzioni addumannata, faciti la vostra pruposta pi menzu di lu nostru sistema di prisintazzioni di pruposti a: http://wikimania2009.wikimedia.org/wiki/Submission/es
Siddu aviti dubbî o vuliti àutri spiecazzioni, scriviti nu missàggiu elittrònicu a wikimania-program@wikimedia.org ('n spagnoluu o nglisi).