Index/ia
26-28 de augusto 2009
|
Benvenite al sito official de Wikimania 2009, le 5te conferentia international del Fundation Wikimedia, que habera loco le 26-28 de augusto 2009 in Buenos Aires, Argentina. Isto essera le prime tal conferentia realisate in espaniol e in le Hemispherio Sud. Sequente le spirito del multilinguismo, le programma del conferentia essera bilingue in espaniol e in anglese, includente un servicio de traduction simultanee pro le pista principal. Le centro conferential essera le Centro Cultural General San Martín (CCGSM), le plus importante de su typo in Argentina, situate in le centro touristic de Buenos Aires. Wikimania es un conferentia annual destinate al contributores de tote le projectos del Fundation Wikimedia. Illo permitte que le communitate e le publico general apprende e divulga initiativas de cognoscentia libere e projectos collaborative in tote le mundo. Le previe conferentias habeva loco in Francoforte (Germania), Boston (Statos Unite), Taipei (Taiwan) e Alexandria (Egypto). A Wikimania 2009 assistera representantes importante de Wikimedia e del cultura libere, con emphase special super le aspecto academic del projectos. Como tote le projectos wiki (e iste sito es un wiki), iste sito es in disveloppamento constante. Le informationes presentate essera expandite e meliorate durante que le tempore progrede verso le data del evento. Pro le momento, isto functiona con le auxilio de voluntarios pro assecurar que le informationes de base sia presente in le sectiones principal. Le programma provisori essera publicate al puncto de su completion.
|
