Venue/ia
From Wikimania
Le Centro Cultural General San Martín (vide le articulo de Wikipedia) es le centro cultural le plus importante de Argentina. Situate in le corde del citate, proxime al celebre Avenue Corrientes (equalmente cognoscite como Le strata que nunquam dormi), illo es supportate per le governamento del citate, e es le hospite de diverse eventos cultural e artistic. Le edificio, finite in 1970 per le architecto Mario Roberto Álvarez, ha etiam essite usate como sede del Commission National super le Disparentia de Personas (CONADEP) post le restauration del democratia in Argentina e, plure annos plus tarde, como le domicilio del prime legislatura del Citate Autonome de Buenos Aires.
Le edificio ha essite remodellate durante 2007 pro actualisar e meliorar su facilitates conferential. Con 12 etages de altitude e 30 000 m² de superficie, illo include diverse cameras pro seminarios e cursos, e es le sede del Audiovideotheca de Buenos Aires, un nucleo documentari con plus de 7 000 obras catalogisate. Al latere oriental del edificio se trova le placias Plaza de las Américas e Patio de Esculturas con duo galerias de arte.
Le centro conferential sera fornite gratuitemente per le Governamento del Citate de Buenos Aires pro accolliger Wikimania 2009.
