Call for Participation/ia

* ar/العربية (missing) * cs/čeština (in progress) * be-tarask/беларуская (тарашкевіца) (in progress) * de/Deutsch (published)* el /Ελληνικά (needs updating)* en/English (published)* es/español (published)* eu/euskara (in progress) * fi/suomi (in progress) * fa/فارسی (missing) * fr/français (published)* ga/Gaeilge (in progress) * hu/magyar (missing) * ia/interlingua (published)* it/italiano (published)* ja/日本語 (published)* ko/한국어 (published)* lb/Lëtzebuergesch (missing) * ms/Bahasa Melayu (missing) * nl/Nederlands (missing) * oc/occitan (missing) * pl/polski (missing) * pt/português (published)* ro/română (in progress) * ru /русский (proofreading)* scn/sicilianu (published)* sv /svenska (needs updating)* te/తెలుగు (in progress) * tr/Türkçe (in progress) * uk/українська (in progress) * za/Vahcuengh (missing) * zh-hans /中文（简体） (proofreading)* zh-hant /中文（繁體） (proofreading)* * * * * * * * * * * *

destination: Call for Participation

Wikimania es un evento global annual dedicate al projectos Wikimedia in tote le mundo (Wikipedia, Wikibooks, Wikisource, Wikinews, Wiktionary, Wikiversity, Wikiquote, Wikispecies e Wikimedia Commons inter alteres). Le conferentia es un reunion del communitate que da al redactores e usatores del projectos Wikimedia le opportunitate de incontrar se, de excambiar ideas, reportar super recercas e projectos, e collaborar in le futuro del projectos. Le conferentia es aperte al publico, e es un opportunitate pro educatores, recercatores, programmatores e activistas pro cultura libere que son interessate in le projectos de Wikimedia de apprender plus e de divulgar lor ideas super le projectos de Wikimedia.

Iste anno le conferentia essera realisate le 26 al 28 de augusto in le Centro Cultural General San Martín (vider in Wikipedia e le sito official) de Buenos Aires, Argentina.

Nos accepta propositiones de presentationes, seminarios, gruppos de discussion, affiches, discussiones a spatio aperte, e obras artistic connexe al projectos de Wikimedia o al contento libere in general. Per favor seque meticulosemente le directivas de submission sequente.

Appello a participation

Datas importante

• Initio del acceptation de propositiones: le 1 de martio
• Data ultime pro submitter propositiones de seminarios, gruppos de discussion e presentationes: le 15 de april le 30 de april

  Nos ha extendite le data limite pro submissiones al 30 de april. Nonobstante, nos non pote garantir que le submissiones recipite post le 15 de april essera revidite a tempore pro conceder un bursa al submissor.

• Data ultime pro submitter affiches, discussiones a spatio aperte e obras artistic: le 30 de april
• Notification de acceptation de seminarios, gruppos de discussion e presentationes: le 15 de maio
• Notification de acceptation de affiches, discussiones e obras artistic: le 31 de maio
• Datas del conferentia: le 26-28 de augusto

Themas e pistas

Le projectos del Fundation Wikimedia

Existe duo pistas pro submission: le pista casual, pro membros de communitates wiki e observatores interessate a divulgar lor proprie experientias e pensamentos e a presentar nove ideas; e le pista acedemic, pro recerca a base del methodos de studio scientific que explora le aspectos social, de contento, o technic de Wikipedia, le altere projectos de Wikimedia, o altere obras de collaboration in massa, in addition al creation de contento public e libere e le dynamica de communitates in general.

Le submissiones a cata pista debe adressar un o plus del themas sequente:

• "Communitates de Wikimedia," includente le topicos de resolution de conflictos e le dynamica de communitates; reputation e identitate; multilinguismo e linguas e culturas.
• "Cognoscentia libere," includente le accesso libere a informationes; modos de colliger e distribuer cognoscentia libere, uso de projectos Wikimedia in education, jornalismo, recerca; modos de meliorar le qualitate e usabilitate de contento.
• "Defias latinoamerican," concentrante se in effortios e limitationes pro augmentar le extension del projectos Wikimedia in Latinoamerica; promotion de projectos in linguas american native; problemas specific del communitates de Wikimedia hispano- e lusophone.
• "Infrastructura technic," includente questiones connexe al disveloppamento de MediaWiki e de su extensiones; le infrastructura technic de Wikimedia; e nove ideas pro disveloppamento.

Le articulos debe esser de interesse al membros del communitates de Wikimedia, e esser ligate a un del themas supra mentionate.

Typos de submissiones

Nos cerca submissiones pro:

• Presentationes (lecturas de 10-30 minutas con discussion posterior)

• Iste typo de proposition es appropriate pro presentar projectos substantial de recerca o de communitate

• Seminarios (session de 60–120 minutas con un moderator e con participation del audientia)

• Iste typo de proposition es appropriate pro sessiones projectate pro inseniar un subjecto specific o explorar lo profundemente

• Gruppos de discussion (gruppo de 2-5 parlatores pro discuter aspectos de un topico con questiones del audientia, sessiones de 45-90 minutas)

• Iste typo de proposition es appropriate pro discussiones super un topico de interesse general inter le membros del communitate, con plure participantes presentante lor labor. Pro discussiones minus formal de interesse limitate, considera in loco de isto un discussion a spatio aperte.

• Discussiones a spatio aperte (discussion informal super un topico specific; le moderator guida le conversation sed le session es aperte a omne interessato)

• Iste typo de proposition es bon pro un topico que plure participantes vole discuter o examinar in un situation informal

• Affiches (demonstrationes visual imprimite que pote star pro se, sin presentation associate)

• Iste typo de proposition es bon pro presentar recerca in progresso, o projectos communitari minus grande

• Obras artistic (spectaculo, competitiones, comedia, visualisationes, exhibitiones o altere representationes de alcun aspecto del projectos)

• Iste typo de proposition es bon pro exhibir creativitate o demonstrar un obra belle super le projectos.

In addition il habera le opportunitate a dar presentationes-fulmine, le quales es breve presentationes de 5 minutas. Le sessiones de presentation-fulmine essera organisate in le wiki de Wikimania 2009 pauc tempore ante le initio del conferentia, sin necessitate de submitter los via le systema de propositiones. Iste presentationes es melior pro personas que vole presentar rapidemente un idea o projecto sin dar un presentation formal. Le participation in iste presentationes informal es aperte a omnes.

Directivas de submission

Wikimania es organisate per voluntarios, dunque per favor adjuta nos a minimisar le guasta de effortio per submitter vostre propositiones via le systema de submissiones e sequer iste directivas. Tote le propositiones DEBE includer lo sequente:

1. Titulo del evento: un titulo anglese o espaniol.
2. Summario: un breve summario de tu evento in anglese o espaniol in 50 a 100 parolas. Le summario essera usate pro le horario public.
3. Themas e pista: indica le pista al qual tu vole submitter le proposition (Casual o Academic) e le singule thema que tu pensa que es le plus appropriate pro tu propostion (le communitates de Wikimedia, cognoscentia libere, defias latinoamerican, infrastructura technic). Nota que le affiches e le obras artistic ha lor proprie pista in le systema de submissiones.
4. Informationes super le presentator: nomine complete, e-mail, e un curte biographia.
5. File del submission: Un file de texto simple, PDF, o OpenDocument, in anglese o espaniol, continente:
   • Un longe description del submission, in anglese o espaniol que pote esser usate pro revision, non excedente 1000 parolas. Per favor da un summario del areas a esser discutite o inseniate. Explica clarmente le relevantia al projectos de Wikimedia e de si le proposition concerne un projecto wiki specific. Tu pote etiam includer ligamines, graphicos o diagrammas si illos non excede un pagina.
   • Typo del evento: per favor specifica si le evento es un presentation, seminario, gruppo de discussion, discussion a spatio aperte, affiche, o obra artistic; si le evento es un presentation o gruppo de discussion, indica le duration expectate.
   • Pro gruppos de discussion solmente: nomine de un moderator suggerite e breve biographias de cata discutente suggerite
   • Lingua: lista le lingua in que vos plana presentar. Le conferentia essera bilingue in anglese e espaniol.
   • Requisitos special: lista omne requisitos special, includente omne equipamento.

In le campo "Commentos pro le director del conferentia" tu deberea contar nos si tu assistera a Wikimania (a) securmente, (b) probabilemente, (c) solmente si tu proposition es acceptate, o (d) solmente si nos paga le viage e/o forni allogiamento. Tu pote etiam adder te al lista public de assistentes al wiki de Wikimania 2009: http://wikimania2009.wikimedia.org/wiki/Attendees

Per favor nota que tote le propositiones debe esser bilicentiate sub le Licentia GNU pro Documentation Libere version 1.2 o plus recente e le licentia Creative Commons Attribution-Share Alike 3.0! Per submitter un proposition a Wikimania 2009 tu te declara de accordo con iste condition.

Submissiones

Quando tu es secur de haber includite tote le informationes requisite, per favor invia tu submission ante le data ultime appropriate via nostre systema de submission: http://wikimania2009.wikimedia.org/wiki/Submission

Si tu ha questiones ulterior, contacta nos via e-mail a wikimania-program@wikimedia.org (in anglese o espaniol).

Bursas

Si tu ha besonio de un subvention monetari pro viagiar a Buenos Aires, tu debe sollicitar un bursa via nostre systema de bursas. Le approbation de tu submission per le comité de programma non implica que tu recipera automaticamente un bursa.